民建聯蔣麗芸噚日身穿一身紅色唐裝出席立法會，話要沖喜吓，最終政改表決期間全程冇發言、冇投票，但就得閒喺立法會走廊，睇《100毛》有關「立法會sex secrets」專頁嘅毛記電視內容，其間不時大笑，指毛記記者曾搵佢回應事件，但由於開緊會無回應，指毛記應該改搵民記女主席李慧琼回應喎。

元秋又話至今未詳細睇過呢個專頁，但對立法會居然有sex secrets「好surprise」，「立法會有乜嘢sex secrets呢？我哋立法會主席曾鈺成，咁佢有啲乜嘢sex secrets呢？」有關言論連佢身邊嘅民建聯黨員、民政事務局政治助理徐英偉都即時叫佢「千祈唔好爆嘢」，元秋就叫對方放心，「你話搵個好sexy嘅（立法會主席）就話箒，你搵個校監咁嘅款得喺度喎」。