早前般含道塌樹事件引發該處幾棵古樹被斬，各政團都聞樹色變，支持移除又怕畀人話唔愛護樹木，唔支持又驚被批評罔顧市民安全。但立法會議員Ann蔣麗芸就對古樹冇有怕。佢尋日喺社交網站放咗兩張同百年榕樹影嘅合照，話自己會稱呢棵榕樹做「榕伯」，每次見到「榕伯」仲會同佢「道聲好」。其實阿Ann講嘅「榕伯」係一棵位於深水埗麗閣邨嘅細葉榕。據古樹木名冊，「榕伯」同般含道塌下嘅榕樹係同一品種。雖「榕伯」較矮，但樹幹同樹冠就比般含道嘅大，「榕伯」上個月先做完「身體檢查」，望落都好似幾穩陣。但依家話晒都仲係打風落雨季節，樹木都可因倒塌被移除。阿Ann咁鍾意「榕伯」，唔知萬一「榕伯」要被移除，佢會唔會第一時間出嚟做「護樹使者」呢？​