週日與老友一家飲茶， 朋友一坐下來就指著兒子說：「我嘅仔係黃絲帶， 你幫手教下佢。」友人兒子一輪咀對我說：

仔：Auntie, 你為什麼不支持真普選？

 

我：咩叫真普選？

 

仔：冇篩選就係真普選！

 

我：邊種選舉係冇篩選？

 

仔：中央話只俾愛國愛港人仕參選，即係要篩走泛民！

 

我：要求參選人愛國愛港係好正常喎，如果唔愛國愛港咁重參選嚟做乜？

 

仔：但係今次唔爭取更民主嘅方案，以後就冇囉！

 

我：基本法講明選舉辦法係可以修改嘅！但係今次過唔到就真係唔知重有冇啦！

 

仔：但係假如將來中央收回管治權，假如唔俾香港人言論自由，假如一國兩制變咗一國一制，假如............。

 

我：假如...假如...點解你唔諗假如通過政改，香港少咗爭拗，政府可以專心做多啲事重好啦。不如聽吓你嘅偶像依家講乜。

 

周永康：「學習處於平靜的態度」。

岑敖暉：「還是讀書重要」。

 

「」引述摘自2015.4.4明報

Facebook專頁評論

2015.5.18/與黃絲帶對話