秋意漸濃，天文台尋日錄得今年入秋以來最低氣溫，比前日低約五至七度。立法會議員蔣麗芸都唔放過呢個大好機會，化身天氣小姐，用手機App將自己個樣變成漫畫，仲喺社交網站發貼，溫馨提示大家「氣溫驟降，出外請多添衣！」不過，望真啲佢貼出來幅漫畫同真人相比似乎有啲唔同喎，除咗佢個菇頭之外，身材瘦削，個樣比真人後生好多，對腳仲特別修長添，唔係佢放上網真係差啲唔認得佢囉！