立法會議員蔣麗芸（Ann）家中服務三十二年嘅菲律賓外傭Lita退休，返回菲律賓照顧其家人，蔣家很多成員現身出席Lita嘅歡送派對，包括Ann嘅父親蔣震同其太太，Ann嘅妹妹麗莉、麗苓、麗苑同弟弟志堅等，而Lita嘅朋友都有到場唱歌送上祝福。

 

Ann（前右二）同家人歡送菲傭Lita（前排中）退休，其父蔣震（前左二）與其太太（前左），及一眾家人都有出席。（互聯網圖片）

 

Ann形容，Lita係第一代香港家庭外傭，過去三十多年來相處融洽，而且話頭醒尾，令佢可以無後顧之憂為社會做事，最難忘係試過多次，佢工作回家後想食麵，原來Lita已心有靈犀正在煮麵中，而早前離開前夕，Lita同將接替其工作嘅姪女都有做好交接工作，認真有交帶喎。