早在去年十二月，民建聯副主席蔣麗芸（Ann姐）已率先透露新一年有新搞作，就係會利用網絡平台，搞一個名為「蔣麗芸名人會客室」。佢曾經話過「萬事俱備、只欠兩張椅」，就可進行錄影工作，幾經期待，Ann姐會客室的「廬山真面目」昨日終於曝光，兩張擺上紅色心心攬枕的灰椅子，果然成為整個會客室的焦點，與Ann姐一身紅黑造型襯到絕。

該會客室定於本周日開鑼，主張不談政治，只談有趣話題，設三部錄影機多角度拍攝，更有專人負責剪輯。頭炮嘉賓是民建聯黨主席譚耀宗，但盧駿就認為，頭炮嘉賓未夠爆，不過聽聞Ann姐有可能會邀請特首梁振英太太唐青儀出席，暢談持家之道，若梁太果真應約，相信一定又掀起城中熱話！